رؤى

اه ياوجع قلبي .....

من اللى بيحصل فيكى يابلدى 

سرقوا وقتلوا وحرقوا ونهبوا 

فاضل ايه تانى يا حبيبتى

ولدى بعد ما ربيته وكبرته 

بإيدى فى قبر حفرت ونزلته 

أم الشهيد واتسميت

أم البطل وانتاديت

طب فين حقى فين حق ابنى 

فين أخرة صبري ؟؟؟؟

اه يا وجع قلبي ....

من اللى بيحصل فيكى يابلدى 

حتى البنت مش رحموها 

من شعرها جروها وسحلوها 

بهدلوها ومن ملابسها جردوها

فينكم يارجاله بلدى فينكم ؟؟

لسة قاعدين فى بيوتكم 

دا أنتوا كنتوا زمان فخري وعزى 

وبقول ولا رجالة بلدى

زماااااااااااااااااااان

يعنى خلاص مفيش دلوقتى 

حد يجيب حقى وحق اختى

طب الدور على مين دلوقتى

يعنى لو قولت عايزة حق بلدى 

هتبقى دى جزاتى برده 

فينكم يا رجاله بلدى

اه يا وجع قلبي ....

من اللى بيحصل فيكى يابلدى